Drifta av kafeen på Bjerkreimsmarken er det største dugnadsløftet Bjerkreim Bygdekvinnelag tar i løpet av året. Dei fleste av medlemmene er involverte. Nokon er med og tar eit skift i kafeen. Her blir lappane, vaflane og potetkakene steikte, slik at dei skal vera ferskast mogleg når kafégjestene skal ta kaffipausen sin.
Startar tidleg
Planlegginga av dugnaden under marken startar allereie om sommaren, forklarer dugnadsansvarleg Merete Hestnes. Då blir det laga lister over kven som skal gjera kva.
I august startar varebestillinga, og dei siste vekene før marken blir potetene henta hos bonden som skal levera, og køyrt ut til dei som skal skrella og koka. Rundt 30 medlemmer tar seg av denne jobben.
Dei ferdigkokte potetene blir leverte til gjengen på kafeen, som lagar deigen og steikjer potetkakene.
Pengane går til bygda
Inntektene frå dugnaden går tilbake til bygda. Bygdekvinnelaget støttar ulike lokale tiltak. Dei har supplert samfunnshuset med utstyr, og bidrege med stolane i kafeen i hallen, for å nemna noko.
Bjerkreim Bygdekvinnelag støttar òg SOS Barnebyer.
– Det er tradisjon å koma hit kvart år for å smaka på potetkakene, seier Raymond Harouny.
– Og dei er alltid like gode, skyt kona Gerny Egeland Harouny inn.
Arvid Mæland fekk inn 60.000 til ei god sak – men hatten hans fekk ingen by på
