Temperaturen har bevega seg nedover mot frysepunktet i løpet av kvelden. Sludd og hagl som har kome tidlegare i dag, har frose til.
– Bilane står på kryss og tvers, åtvarar Johnny Brekke, dagleg leiar i Egersund Bilberging AS.
Selskapet har sendt ut bilar i heile distriktet, frå Moi i sør til Nærbø i nord og Tonstad i aust.
– Eg trur det er 19 bilar som ventar på berging nå, kommenterer Johnny Brekke i 19-tida tysdag kveld.
Han seier at det er sjeldan det er så glatt på vegane som det er nå, og han åtvarar alle som skal ut å køyra om å ta det heilt roleg.