Nok eit smittetilfelle i Sokndal

Nok ein familiemedlem i tilknyting til smitteklynga i Sokndal har testa positivt for covid-19.

DEL

Status for smittesituasjonen i Sokndal er at éi smitteklynge med totalt fem familiemedlemmer er smitta. Alle er i isolasjon.

Det siste familiemedlemmen som er registeret smitta, har vore i karantene dei siste dagane og har ikkje hatt andre nærkontaktar enn familien. Kommunen vurderer derfor smittesituasjonen som uendra.

Det er gjennomført smittesporing og kartlegging av nærkontaktar, og alle er sette i karantene. Måndag blei det gjennomført totalt 60 testar. Bare éin var positiv.

Sokndal kommune har ikkje vurdert at det er behov for spesielle lokale smitteverntiltak, men oppfordrar innbyggjarane til å følgja dei oppdaterte nasjonale anbefalingane.

Alle som får ein luftvegsinfeksjon med feber, hoste, tap av smak- eller luktesans, sår hals eller tung pust, eller kjenner seg generelt sjuke, blir oppfordra til å halda seg heime og kontakta legekontoret for å bli testa.

Artikkeltags