Nytt tilfelle av covid-19 i Eigersund: Personen er nærkontakt av smitta ungdom

Det 22. tilfellet av covid-19 er registrert i Eigersund.

DEL

Eigersund kommune melder onsdag om at eit nytt tilfelle av covid-19 er registrert. Det er snakk om ein nærkontakt til ein ung person som kom heim til Eigersund med smitte frå ein annan kommune.

Personen som nå er bekrefta smitta og isolasjon, ein vaksen person, har vore i karantene sidan den unge personen blei sjuk.

– Dermed er det kontroll på smittespreiinga, seier kommunikasjonssjef Leif Broch i Eigersund kommune.

Det er ikkje identifisert anna lokal smittespreiing. Nærkontaktar til personen som nå er registrert smitta, er sette i karantene.

Det er nå registrert totalt 22 tilfelle av covid-19 i Eigersund. Kommunen anbefaler folk å halda fram med å vaska hendene ofte, bruka handsprit, hosta i olbogen og testa seg om ein får symptom.


Artikkeltags