Snart skal festtoga gå igjen

NATTOGET TILBAKE: Go-Ahead set inn fire nye avgangar på laurdag og søndag.

NATTOGET TILBAKE: Go-Ahead set inn fire nye avgangar på laurdag og søndag. Foto:

Go-Ahead startar opp med nattlokaltoga igjen på fredag.

DEL

(Jærbladet) For å hindre smittespreiinga har dei populære og folksame nattlokaltoga på Jærbanen vore inaktive sidan 20. mars. No opnar Go-Ahead Norge for toga igjen.

– Me har følgt nøye med på trafikkutviklinga på Jærbanen no som samfunnet normaliserer seg meir og meir. Me ser at me har hatt ei vesentleg auke på våre avgangar tidlegare på kvelden, både på fredagar og laurdagar, og det er openbert av innbyggjarane i regionen har behov for å kome seg litt meir ut i helgene for å kose seg, seier Cathrine Elgin, administrerande direktør i Go-Ahead i ei pressemelding.

Frå 3. juli opnar desse fire avgangane igjen, både natt til laurdag og natt til søndag:

  • Frå Eigersund kl. 00.20
  • Frå Eigersund kl. 01:20
  • Frå Stavanger kl. 00.54
  • Frå Stavanger kl. 01.54

– Me er veldig glade for at me kan gjere dette no når sommaren er kome for fullt. Det betyr at kundane kan strekkje tida litt lengre før dei reiser heim med det miljøvenlege toget. Fleire har sikkert brukt bil til aktivitetane sine, fordi det har vore eit mangelfullt kollektivtilbod seint på kvelden og om natta, seier Elgin.

– No kan kundane la bilen stå, og me i Go-Ahead ønskjer dei velkomne på toget. Samstundes er det veldig viktig at kundane som seg av nyttar tog er merksame på dei gjeldande smittevernsreglane, avsluttar ho.

Artikkeltags