Gå til sidens hovedinnhold

Store forseinkingar på Jærbanen mandag

Kaos på Jærbanen fyrste skuledag. Strekninga Egersund - Ogna er stengt i morgontimane mandag.

(Jærbladet)

Mandag morgon er det store forseinkingar på Jærbanen. Bane Nor opplyser at strekninga mellom Egersund og Ogna er stengt på grunn av ein signalfeil.

På togstasjonane blir det opplyst om at passasjerar frå stasjonar som er ramma av signalfeilen vil bli henta av bussar.

Nokre tog er over 40 minutt forseinka.

Passasjerar på Bryne stasjon skildrar situasjonen som kaotisk i morgonrushet. Toget som skulle gått 07.28, gjekk fyrst rundt 08.15. Det er også store forseinkingar på seinare avgangar, men toga går mellom Brusand og Stavanger.

Bane Nor opplyser at det blir arbeidd med å retta feilen, men det er uvisst kor lang tid det vil ta.