Politiet fekk tysdag melding frå ein varebilsjåfør som hadde vore uheldig på Hellvik; han hadde kome borti og øydelagt spegelen på ein bubil. Han ville gjerne gjera opp for syndene sine og kjørte etter bubilen. Då han ikkje fekk kontakt med bubilsjåføren, tok han heller kontakt med politiet.
– Han bad oss sørga for at han fekk ordna opp, viss politiet skulle bli kontakta av bubileigaren angåande hendinga med spegelen. Det må kallast eit eksempel til etterfølging, seier Marius Larsen på politistasjonen i Egersund.